Landráð?

Í ljósi þess hve miklu hagstæðari þessi seinni samningur er heldur en hin fyrri má velta því fyrir sér hvort að ríkisstjórnin, eða þeir aðilar hennar sem að málinu komu, séu sekir um landráð. Viðeigandi lagatexta má sjá í 91.gr almennra hegningarlaga og má sjá hér:

 91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
 Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
 Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.

 

Þetta er nokkuð svarthvítt. Það að ætla að neyða í gegn fyrri samninginn fellur nokkuð augljóslega undir það að bera fyrir borð hag íslenska ríkisins. Spurningin er því bara sú, hvað á að gera í því? 

200 milljörðum hagstæðari

Athugasemdir

[Óskar, 9.12.2010 kl. 18:53]

Landráðin voru framin af sjöllunum sem komu okkur í þetta klúður,  Dabba sem gaf glæpamönnum landsbankann,  Kjartani bankaráðsmanni, bankastjórum, Dabba sem afnam bindiskildu á bankana,, yea the same odl bastard. 

Þetta eru landráðamennirinir og icesave er því miður aðeins brot af tjóninu sem sjálfstæðisflokkurinn hefur valdið þjóðinni.

[Spiritus, 9.12.2010 kl. 18:57]

Það getur vel verið að illa hafi verið farið með stjórnartaumana áður, en það afsakar ekki að það sé illa farið með þá nú. Þessi færsla fjallar ekki um "sjallana", heldur afglöp núverandi ríkisstjórnar. Ef þig lystir að tala illa um "sjallana", gerðu það þá einhversstaðar þar sem þeir eru til umræðu.

[Óskar, 9.12.2010 kl. 19:00]

Nú má bara tala um sumt sem tengist icesave en annað ekki ?  Það vill þannig til að sökin á þessu klúðri er 100% hjá sjöllum og því er fáránlegt að ræða það ekki.   ..en svona eru blessaðir sjallarnir, það má ekki falla kusk á silfrið.

[Spiritus, 9.12.2010 kl. 19:13]

Ég fæ ekki séð hvernig "Sjallar" tóku þá ákvörðun að reyna að þvinga óhagstæða samninga í gegnum Alþingi, sem er það sem ég var að benda á. Þú mátt alveg hata sjálfstæðisflokkinn eins og þú vilt, en að reyna að kenna honum um þessa tilteknu skyssu er bara kjánalegt. Þú ættir að hafa haft nægan tíma til að ræða hvað sjálfstæðisflokkurinn stóð sig illa þessi tvö ár sem liðin eru síðan "sjallar" fóru úr rikisstjórn. Því er ekki óeðlilegt að biðja þig um að halda þig við umræðuefni færslunnar.