Og þá bíður fólk í 4 ár með að leita sér að vinnu...

Það að hækka lengd þess tíma sem fólk getur lifað á bótum er ekki sniðug hugmynd, sérstaklega ekki þegar það eru störf í boði í samfélaginu sem ómögulegt er að ráða í vegna þess að lífið er betra á bótum! Ekkert nema rugl og vitleysa.

http://www.youtube.com/watch?v=PGMQZEIXBMs&feature=player_embedded

Hérna er svo skemmtilegt myndband sem dregur aðeins fram í ljósið eðli bótakerfa yfirhöfuð, nokkuð sem fólk er yfirleitt ekki tilbúið til að hugsa alvarlega um. Hvers vegna finnst fólki í lagi að neyða peninga af einhverjum ef það þarf ekki að gera það sjálft? Hmm ?

Atvinnuleysistryggingar í 4 ár

Athugasemdir

[Guðmundur Ásgeirsson, 18.12.2010 kl. 22:45]

Ég á voðalega erfitt með að trúa þeirri fullyrðingu að það sé eitthvað erfitt að ráða í störf um þessar mundir. Ef það er raunverulegt vandamál þá er líka til mjög góð lausn á því: að bjóða hærri laun. Um leið og það borgar sig að fara aftur að vinna mun fólk sjálfkrafa gera það í auknum mæli.

Þeir sem ætla í skuldaaðlögun munu fá meira fellt niður eftir því sem þeir hafa lægri tekjur. Þannig er búið að fjarlægja hvatann til að auka tekjurnar. Þess vegna hefðu almennar niðurfærslur verið góð lausn á skuldavandanum.

[Spiritus, 18.12.2010 kl. 22:57]

Það er ekki lausn Guðmundur. Ekki þannig séð. Þú býður ekki 300.000kr í laun fyrir starf sem framleiðir bara verðmæti uppá 200.000kr. Það segir sig sjálft. Svo í staðinn fyrir að einhver sæki um þetta hypothetical starf þá fer manneskjan frekar á bætur. Þetta er stórt vandamál, sérstaklega á tímum sem þessum.

Svo er niðurfærsla skulda allt annað mál og alveg jafn kjánalegt. Vissulega hefði almenn niðurfærsla þó verið sanngjarnari.

[josef ásmundsson (IP-tala skráð) 19.12.2010 kl. 09:31]

Svolítið furðulegar fullyrðingar.Hvað sjálfan mig varðar þá varð ég að yfirgefa klakann til að fá eitthvað að gera.Kannski er það leið fyrir þá tæplega 10% landsmanna sem nú eru atvinnulausir.EF þeir geta það þá allir.En það lifir enginn á atvinnuleysisbótum og fáranlegt að halda því fram að að fólk taki það framyfir að hafa vinnu.Þessi lausn hjá Guðmundi er ekkert svo vitlaus.Þú gleymir því Spíritus að mínusa atvinnuleysisbæturnar frá þessum 300000 krónum svo upphæðin fer mjög sennilega niður fyrir 200000 krónurnar.Plus það að minnka félagsleg vandamál atvinnuleysisins og koma kannski í veg fyrir að við fáum kynslóðir atvinnulausra eins og er vandamál í Bretlandi og víðar.Ég er fylgjandi því að Þjóðfélagið haldi uppi félagslegri atvinnu fyrir fólk sem missir tímabundið atvinnu og eins samskonar úrræði fyrir fólk með skerta starfsgetu í og með til að rjúfa þann vítahring sem fólk lendir oft í.

[Þór (IP-tala skráð) 19.12.2010 kl. 20:22]

Það eru yfir 12.000 manns atvinnulausir í dag á Íslandi og í síðasta mánuði voru aðeins 170 laus störf í boði á landinu. Ég var eitt sinn á atvinnuleysisbótum og það er kjánalegt af þér að halda að þetta sé einhver skemmtun að vera á bótum. Þetta YouTube myndband er bjánalegt af þér að nota yfir rök þinni. Aðeins fólk sem hefur verið á atvinnumarkaðinum í ákveðnum tíma hafa rétt til að sækja um atvinnuleysisbætur. Auk þess eru þessar bætur í raun tryggingar sem fólk borgar af sínum launum þegar þau eru í vinnu og þegar þau missa vinnu sína fá þau þennan pening til baka. Þau eiga rétt á þessum peningi.

[Guðmundur Ásgeirsson, 19.12.2010 kl. 21:42]

"Þú býður ekki 300.000kr í laun fyrir starf sem framleiðir bara verðmæti uppá 200.000kr."

Þú býður heldur ekki vinnuframlag þitt ef það er t.d. 300.000kr. virði fyrir laun upp á aðeins 200.000kr. Sérstaklega þegar þú getur fengið rúmlega helminginn af því fyrir að sitja heima, og 200þús kallinn myndi hvort eð er ekki duga til að forða þér frá gjaldþroti. Það er heimskulegt að bjóða hátt í 70% afslátt af vinnunni sinni, og þeir sem það gera eru um leið að skapa fordæmi sem grefur undan öllum þeim réttindum sem launþegar hafa áunnið sér með kjarabaráttu undanfarinna áratuga. Nú þarf að draga línu í sandinn.

[Spiritus, 20.12.2010 kl. 13:51]

Hvað ertu að meina Guðmundur? Vinnuframlag þitt er mismikils virði eftir því hvernig þú ert að nýta vinnu þína. Háskólagenginn maður framleiðir miklu meiri verðmæti þegar hann stundar það sem hann er menntaður í heldur en þegar hann vinnur verksmiðjuvinnu. Það þýðir samt ekki að hann geti fúlsað við verksmiðjuvinnunni ef honum býðst ekkert starf í greininni sem hann menntaði sig í.

Atvinnuleysisbætur eru óeðlilegar. Ef það er eins og hann Þór segir að fólk sé þegar að greiða þetta sjálft í gegnum tryggingar, þá ætti fólk frekar bara að leggja fyrir! Sparnaður er löngu gleymd dyggð hér á landi.